" මම අනිවාර්යෙන්ම එනවා" යයි පවසමින් තිනෙත්ගේ දුරකථන ඇමතුම විසන්ධි කරනවත් සමගම ,
" බීප් බීප් " ඒ උදුලගේ ජීප් රියෙ හඩයි.
" ලොකූ පොඩ්ඩකට පල්ලෙහට එන්න ළමයො. මේ උදුල ඇවිල්ලා ඔයාව බලලා යන්න. හෙට වෙනකන් ඉන්න බෑ වගෙ මට පෙන්නෙ"
" එයාට උඩට එන්න කියන්න අම්මා."
මම සවිනි. ලොකූ කියන එකෙන්ම තේරෙනවනේ මම පවුලේ වැඩිමලා කියලා. මට ඉන්නෙ නංගි කෙනෙක් විතරයි.
එතකොට උදුල කියන්නේ පුංචි කාලේ ඉදලා මාත් එක්ක හිටපු මගේ හොදම යාලුවො දෙන්නාගෙන් එක්කෙනෙක්. උදුලගේ තාත්තාත් මගෙ තාත්තාත් යාලුවෝ. ඒ විතරක් නෙමේයි අපි දෙන්නාගේ අම්මලත් හොද යාලුවෝ.
ඒ යාලුකමේ ප්රතිඵලයක් හැටියට තමයි මට උදුලව යාලුවෙක් හැටියට මුණගැහෙන්නේ. අනිද්ද මගේ 26වෙනි උපන්දිනය. ඒ විතරක් නෙමෙයි මගෙයි උදුලගෙයි විවාහ උත්සවය.
මමත් මාස ගාණක ඉදලයි ඒ දවසට ලෑස්ති වෙන්නේ. තමන්ගේ විවාහ දිනය ඕනෑම තරුණියකගේ සිහිනය, මටත් එක එහෙම්මම වෙලා තිබුනා මීට ටික වෙලාවක් වෙනකන්.
ඒත් තිනෙත් දුරකථන ඇමතුම ආපු වෙලාවේ ඉදලා ඒ හැමදෙයක්ම නැතිවෙලා ගියා.
" අපේ අම්මා කිවුවා මෙහෙ අද එන්න එපා කියලා. ඔය ගොල්ලොන්ට වැඩ ඇතිලු. මම ඉතින් කිවුවා ඔයා මොන වැඩ තිබ්බත් මාත් එක්ක කතා කරනව කියලා. he he"
" ඔයා ආපු එක මට කරදරයක් නෙමේයි උදුල. එහෙමට වැඩක් නැහැ" මම කිවුවේ හිතින් නම් නෙමේ. මගේ හිත තිබුනේ වෙනත් දිහාවක.
උදුල ඊට පස්සෙත් මොනවදෝ කියෙවුවත් මගේ ඔලුවට ඒ කිසි දෙයක් ගියේ නැහැ.
" ඔයා මම කියන දේ අහගෙන නෙමේ නේද හිටියේ"
උදුල මට තට්ටුවක් දමමින් ඇහුවම තමයි මම ආපහු මේ ලෝකෙට ආවේ.
" අනේ නැහැ බබා මගේ ඔලුව ටිකක් රිදෙනවා :( :'("
" එහෙනං බෙහෙතක් බොන්න ළමයෝ. ඕක වැඩි වුනොත් හෙට මාර case එක වෙන්නේ. :/ මම දැන් යන්නං. දවල්ට දිලංජනලා එනවා කිවුවා. පරිස්සං වෙලා ඉන්න. මට මේ දවස් වල නින්ද යන්නෙත් නෑ. :) :) :* "
උදුල මම ගැන බලාපොරොත්තු තියාගන්න පටන් ගත්තේ අපි දෙන්නා 7 වසරේ ඉන්න කාලේ ඉදලාමයි. උදුල මගෙන් කැමැත්ත ඇහුවත් මම එකට කවදාවත් කැමති වුනේ නැහැ.
මීට අවුරුදු දෙකකට කලින් උදුල අම්මලාගෙන් කෙලින්ම මම ගැන ඇහුවා වෙලාවේ එකට අකමැති නොවී ඉන්න පුලුවන් කමක් තිබ්බේත් නැහැ හේතුවක් තිබ්බේත් නැහැ. අන්තිමට මම උදුලට ආදරේ කරන්න ගත්තා. කාලයත් එක්ක මට උදුලව නැතුවම බැරි වුනා.
ඒ කාලෙදි මම ගොඩක් උත්සහා ගත්තා කෙනෙක්ව අමතක කරන්න. මම බොහෝ දුරට සාර්ථක වුනත් අද තිනෙත්ගේ call එක මට හැමදේම ආපහු මතක් කලා.
2 comments:
හ්ම්ම්... හොඳ කතාවක ආර්ම්භයක් වගේ... ඉතුරු කොටසත් ඉක්මණටම දාන්න... :)
හොඳ කතාවක ආරම්භයක් වගේ........ කීප් ඉට් අප් !
Post a Comment